هل من المعقول أن أول ساعة من يومنا لها القدرة في أنّها تحسن من مسار حياتنا للأفضل ؟
(الجواب بالتأكيد بيكون واضح لكم بنهاية التدوينة .)
"روتين الصباح" اللي غير حياة كثير من الناس حول العالم واللي ممكن يكون هو السبب في تغيير ايجابي لك .
" معجزة الصباح " هو اسم كتاب للكاتب "
HAL ELROD "
الكاتب كان يمر بفتره جدا صعبه بحياته ، حيث أن شغله كان يتراجع وكانت الديون تزيد عليه وماكان عارف كيف ممكن يرجع يستجمع قواه .
لذلك قرر يخصص وقت يومي يشتغل فيه على نفسه بعيد عن كُل الضغوط حتى يحس بالايجابيه ويقدر يفكر ويتصرف بشكل صحيح
لذلك بدأ ينفذ
الروتين الصباحي ، وفعلآ بعد فترة بدأت حياته تتغير و مشاكله تنحل وبدأ يحصد النجاحات على الصعيد العملي والشخصي ولذلك سمى هذا الروتين بـ
" الروتين الصباحي المعجزة " و شاركنا فيه من خلال كتابه .
الروتين الصباحي اللي تكلم عنه الكاتب يتكون من
٦ خطوات ، بحيث أنه من الممكن آننا نعطي كُل خطوة ( ١٠ دقائق ) لذلك يبكون مطلوب منا نصحى
ساعه واحدة قبل الموعد اللي أحنا متعودين نصحى فيه .
الخطوات الـ ٦ هي :
١- الصمت | Silence :
نبداء بـ ١٠ دقائق صمت ، والصمت هنا المقصود منه الأمور الروحانيه اللي بتفصلنا عن مشاغل الحياة ، ممكن يكون عن طريق الصلاة أو التأمل الذاتي أو أنك تشم هواء نظيف وتسمع صوت العصافير ، أي شي يخليك تحس بالسكينة و الهدوء الداخلي ، حتى يساعدك تبداء يومك بـ أحسن مزاج ممكن.
٢- التوكيدات الإيجابية | Affirmations :
التوكيدات الإيجابية معناها أننا نذكر أنفسنا كل يوم أننا قادرين فعليآ نحقق أهدافنا و نوصل لأحلامنا ، جيب ورقة وقلم و أكتب كُل الأهداف اللي نفسك تحققها بـ فعل المضارع ، أكتب أنك أنسان ناجح، أكتب أنك قادر تحقق المعدل اللي تحلم فيه ، أكتب أنك قادر تنجح وتكبر البزنس تبعك، أكتب أنك قادر تكون سعيد في حياتك العمليه او حياتك الاسريه أو مع اولادك أو مع شريك حياتك.
ممكن بعض الأشخاص يقلل من قيمة هذي الخطوة لكن فيه أشخاص كثير ناجحين تكلموا عن هذي الخطوة مثل : اوبرا بيأكدوا على تأثير التوكيدات على تغيير مسار حياتهم .
٣- التخيل | Visualization:
بعد كتابة الأهداف و قرأتها غمض عيونك وتخيلها ، تخيل نفسك و أنت ناجح اخر السنه وشايف الفرحة بـ عيون اهلك واصحابك ، تخيل نفسك و انت ناجح بـ شغلك وتكبر مشروعك ، تخيل نفسك تلف العالم وتزور كل الدول اللي تحلم انك تزورها ، تخيل الحدّث بـ كل تفاصيله و عيشه بـ كل حواسك .
من باب [ تفائلوا بـ الخير تجدوه ]
بس لازم ما ننسى أن التخيل لوحده مستحيل يوصلنا إلى أي مكان و أن لازم نشتغل ونتعب حتى نوصل لأهدافنا .
٤- الرياضة | Exercisel:
أبدأ باللي تقدر عليه و لو كان مشي سريع حتى يتجدد نشاطك ، لا تقول ماعندي وقت لأن كل المطلوب ١٠ دقائق بس ومافيه شي أهم من الصحة حتى نستغل فيه وقتنا و مجهودنا .
٥- القراءة | Reading:
لو أنت شخص تتمنى أنك تتطلع أكثر و لكن ما عندك وقت خلال اليوم أنك تقرأ ، استغل هذي الـ ١٠ دقائق كل يوم الصباح في أنك تقرأ ولو صفحتين من كتاب ، حاول أنك تختار كُتب مفيدة عن تطوير الذات و عن الحياة حتى تتعلم كل يوم شيء جديد أو تأخذ دفعة إيجابية تساعدك بيومك.
٦- الكتابة | Scribing :
عود نفسك يكون عندك دفتر مذكرات و أكتب فيه كل يوم ، أكتب وش تحس ؟ وش تفكر فيه ؟ وش صار معاك أمس؟ أو وش تخطط لبكره ؟
هذي أحسن طريقة حتى تنظم أفكارك و تشوف الأمور بـ صورة أوضح ، أحيانآ لما نمسك الورقة والقلم بتطلع معنا أشياء نحنا أصلآ ماكنا واعيين أنها شاغلة حيز من تفكيرنا.
ومعروف أن كتابة الخواطر والمذكرات من أحسن الطرق لتخفيف الضغط و التوتر لأنك تفضفض لـ الورق اللي مستحيل يزعجك أو يحكم عليك .
هذي كانت خطوات روتين " الصباح المعجزة "
مو شرط ننفذهم كلهم أو نطبقهم بالترتيب ولكن المهم نجرب متعة أننا نصحى في وقت أبكر من المعتاد والناس نايمين ، ونبداء يومنا بأننا نركز على أنفسنا ونسوي أشياء عشاننا أحنا مو عشان بيتنا او اهلنا او اولادنا او شغلنا او دراستنا ، نخصص هالوقت حتى يكون لنا احنا ، وقت مقتطع من زحمة و مشاغل و مشاكل الحياة .
